ബാറിലെ ഇരുട്ടിൽ
ബിയറിന്റെ ഗ്യാസിനെക്കുറിച്ച്‌ പരാതിപ്പെട്ട്‌
റമ്മടിച്ചിരിക്കാൻ ഞാനില്ലെടാ
അവളുടെ കല്യാണമായതുകൊണ്ട്‌
എങ്ങോട്ടെങ്കിലും
പോകാനുള്ള പരിപാടിയാണെന്നായിരിക്കും
നീയുതിവിട്ട പുകയോർക്കുന്നത്‌
അതൊന്നുമല്ല അതൊന്നുമല്ല
നിങ്ങളുടെ ചിരിക്ക്‌
ഞാൻ കട്ടനെന്തെങ്കിലും വാങ്ങിക്കുടിച്ച്‌
തെങ്ങിന്തോപ്പിൽ കിടന്നുറങ്ങുന്ന
ചിത്രം വരയ്ക്കാൻ കഴിയുന്നതുപോലെ
അതൊന്നുമല്ല അതൊന്നുമല്ല
ആ വടക്കേടത്തെ തോമസേട്ടന്റെ വീട്ടുപണിക്ക്‌
പൂഴിയിറക്കിക്കൊടുക്കാമെന്നേറ്റിട്ട്‌
കാലം കുറച്ചായി,
ദിവാകരനെസ്സൈ നാളെ ലീവിലായതുകൊണ്ട്‌
അതങ്ങു നടപ്പിലാക്കണം.
മീനുകൾക്കിടയിലൂടെ
ഊളിയിട്ട്‌ ഊളിയിട്ട്‌
ചാക്കുകൾ നിറയ്ക്കുന്നതിനിടയിൽ
പായലുകളെ ചെറുപ്രാണികൾ മുട്ടിയുരുമ്മുന്ന വികാരത്തോടെ
എനിക്കവളെ ഓർത്തെടുക്കണം.
പരലുകൾ പുളയുന്നതുനോക്കി
താലിവീണ കഴുത്ത്‌
ഞാൻ ചുംബിച്ചതിനേക്കാൾ ചുവന്നല്ലോന്ന് പരിഭവിക്കണം.
പുഴയിൽ വെറുതേയിരുന്ന്
പരാഗണം നടത്തുന്ന പൂമ്പാറ്റകളെയും അപ്പൂപ്പന്താടികളേയും നോക്കി
വട്ടച്ചൊറിയുണ്ടായിരുന്ന അവളുടെ കാലിലും
കാച്ചിയ എണ്ണമണമുള്ള അവളുടെ മുടിയിലും
അവൻ ചുംബിച്ച്‌ ചുംബിച്ച്‌
പൂക്കാലം വരുത്തുന്നത്‌ സ്വപ്നം കാണൺ.
നല്ലോണം സങ്കടപ്പെട്ടിട്ട്‌
കുളിച്ചൊന്ന് ശുദ്ധിയാവണം.
പോലീസുപിടിച്ചില്ലെങ്കിൽ
മണലിറക്കിക്കൊടുത്ത്‌ കാശുവാങ്ങിയിട്ട്‌
ബാറിലേക്ക്‌ പോകാം
വഴുക്കുള്ള പായലിനെക്കുറിച്ച്‌ കവിതചൊല്ലിത്തരാം.
ബിയറിന്റെ ഗ്യാസിനെക്കുറിച്ച്‌ പരാതിപ്പെട്ട്‌
റമ്മടിച്ചിരിക്കാൻ ഞാനില്ലെടാ
അവളുടെ കല്യാണമായതുകൊണ്ട്‌
എങ്ങോട്ടെങ്കിലും
പോകാനുള്ള പരിപാടിയാണെന്നായിരിക്കും
നീയുതിവിട്ട പുകയോർക്കുന്നത്‌
അതൊന്നുമല്ല അതൊന്നുമല്ല
നിങ്ങളുടെ ചിരിക്ക്‌
ഞാൻ കട്ടനെന്തെങ്കിലും വാങ്ങിക്കുടിച്ച്‌
തെങ്ങിന്തോപ്പിൽ കിടന്നുറങ്ങുന്ന
ചിത്രം വരയ്ക്കാൻ കഴിയുന്നതുപോലെ
അതൊന്നുമല്ല അതൊന്നുമല്ല
ആ വടക്കേടത്തെ തോമസേട്ടന്റെ വീട്ടുപണിക്ക്‌
പൂഴിയിറക്കിക്കൊടുക്കാമെന്നേറ്റിട്ട്‌
കാലം കുറച്ചായി,
ദിവാകരനെസ്സൈ നാളെ ലീവിലായതുകൊണ്ട്‌
അതങ്ങു നടപ്പിലാക്കണം.
മീനുകൾക്കിടയിലൂടെ
ഊളിയിട്ട്‌ ഊളിയിട്ട്‌
ചാക്കുകൾ നിറയ്ക്കുന്നതിനിടയിൽ
പായലുകളെ ചെറുപ്രാണികൾ മുട്ടിയുരുമ്മുന്ന വികാരത്തോടെ
എനിക്കവളെ ഓർത്തെടുക്കണം.
പരലുകൾ പുളയുന്നതുനോക്കി
താലിവീണ കഴുത്ത്‌
ഞാൻ ചുംബിച്ചതിനേക്കാൾ ചുവന്നല്ലോന്ന് പരിഭവിക്കണം.
പുഴയിൽ വെറുതേയിരുന്ന്
പരാഗണം നടത്തുന്ന പൂമ്പാറ്റകളെയും അപ്പൂപ്പന്താടികളേയും നോക്കി
വട്ടച്ചൊറിയുണ്ടായിരുന്ന അവളുടെ കാലിലും
കാച്ചിയ എണ്ണമണമുള്ള അവളുടെ മുടിയിലും
അവൻ ചുംബിച്ച്‌ ചുംബിച്ച്‌
പൂക്കാലം വരുത്തുന്നത്‌ സ്വപ്നം കാണൺ.
നല്ലോണം സങ്കടപ്പെട്ടിട്ട്‌
കുളിച്ചൊന്ന് ശുദ്ധിയാവണം.
പോലീസുപിടിച്ചില്ലെങ്കിൽ
മണലിറക്കിക്കൊടുത്ത്‌ കാശുവാങ്ങിയിട്ട്‌
ബാറിലേക്ക്‌ പോകാം
വഴുക്കുള്ള പായലിനെക്കുറിച്ച്‌ കവിതചൊല്ലിത്തരാം.
No comments:
Post a Comment